今次Timmy 大推中菜 ~ 皇御園
昨日我又在eatigo 個app 搵食（非廣告），見到皇御園有半價優惠，食評又正面，所以決定一試。
訂枱後我打電話到酒家查詢，因為疫情關係，原本$400 的開瓶費可作豁免，啱晒我呢啲食飯喜歡飲少少酒嘅人～ 開心 🍷
酒家裝修精緻，用餐環境、氣氛舒適，服務員態度也不俗，第一印象已經很好。
菜式選擇獨特且多，因為第一次光顧關係，我們隨便點了幾個菜。當中煙燻豉油雞和陳皮鵝肝香煎北海道帶子皇，簡直是超水準。雲腿鮮枝竹浸冰菜也十分好味，以上三菜式下次“必會”再叫。是日靚湯是蕃茄薯仔湯，因為是叫比阿囝飲的關係，我連相都忘記影了😅
致於唔會再encore 有砂鍋蒜香生焗石斑球和冰鎮鮮果咕嚕肉。先講石斑球先，魚本身好靚好新鮮，生焗關係肉質好滑，這碟菜式正價要4佰幾蚊，但我覺得得4舊魚，真是有點貴，就算半價咗也要2佰多， 性價比一般。
要數全晚最遜色一定是咕嚕肉，雖然賣相很有有心思。冰鎮咕嚕肉我曾在廣州食過，真是非常出色，所以我的要求自然會高咗，一比之下真是高低立見。冰鎮目的是想令咕嚕肉外皮香脆，但可惜昨晚完全做不到。咕嚕肉太大粒，而且咀嚼後有很多肥油出來，食了一粒都不會想吃第二粒。
最後，甜品也有不少選擇，我們全叫了生磨杏汁撞蛋白，杏汁香又唔太甜，好味！
皇御園地點在九龍灣啟祥道，較適合九龍東的朋友，自駕人士可享4小時免費泊車。
大家真是要把握半價優惠光顧一次，我自己也一定會再捧場。eatigo 參考連結如下：
在eatigo上查看該餐廳 https://eatigo.com/hk/hong-kong/zh-hant/r/dynasty-garden-5001161
當然實際優惠詳情，請大家自行聯絡店方查詢，希望大家喜歡我今次的分享 😘
Search